O Dépor coñecerá este mércores 7 de xaneiro ao seu rival nos oitavos de final da Copa del Rey, cuxo sorteo se celebrará a partir das 13:00 horas no salón Luis Aragonés da Ciudad del Fútbol de Las Rozas (Madrid), retransmitido en directo por Teledeporte, Movistar+ e as canles oficiais da Real Federación Española.
A eliminatoria, a partido único, disputarase en ABANCA-RIAZOR o 13, 14 ou 15 de xaneiro de 2026.
A falta do partido entre o Granada CF e o Rayo Vallecano deste martes 6 de xaneiro, a mecánica do sorteo, segundo informa a RFEF, será a seguinte:
Nun primeiro bombo estarán os 5 equipos de Segunda División: RC Deportivo, Cultural Leonesa, Real Racing Club, Albacete Balompié e Burgos CF.
No segundo os 4 participantes da Supercopa de España: FC Barcelona, Real Madrid CF, Atlético de Madrid e Athletic Club.
E no terceiro bombo os 6 equipos restantes de Primera División: Elche CF, Real Sociedad, Valencia CF, CA Osasuna, Deportivo Alavés, CA Osasuna e Real Betis Balompié.
O Dépor medirase ante un conxunto participante na Supercopa ou ante algún dos outros representantes de Primera División.
Até a data, o conxunto de Antonio Hidalgo eliminou á UD Sámano (1-4), ao CE Sabadell FC (0-2) e ao RCD Mallorca (1-0).
