O Dépor Genuine participará o vindeiro sábado 20 de abril na quinta edición do Torneo Erizana Integra, que terá como escenario o campo do Aral, na localidade pontevedresa de Baiona.
O Erizana CF exerce como anfitrión deste torneo amigable que congregará a oito equipos na tarde do sábado. Ademais do equipo organizador e do Dépor Genuine, tomarán parte no torneo RC Celta Integra, Racing Club Ferrol, CD Lugo, Real Sporting de Gijón, Real Oviedo e SD Ponferradina.
Os encontros estenderanse ao longo de catro horas, entre as 16:00 e as 20:00 da tarde do sábado.
O Dépor Genuine conta esta temporada co imprescindible apoio e patrocinio de Vales y Asociados, Duacode, Quirónsalud e Ontime.
