O Dépor medirase ao CD Tenerife de Segunda División na segunda eliminatoria da Copa del Rey segundo o sorteo celebrado esta mañá no Salón Luis Aragonés da Ciudad del Fútbol en Las Rozas (Madrid).
A rolda, a partido único en ABANCA-RIAZOR ao estar o cadro tinerfeño en superior categoría, xogarase o 5, 6 ou 7 de decembro de 2023.
Será o quinto emparellamento destes dous equipos na historia da Copa del Rey.
O primeiro foi en terceira rolda da edición de 1981-82, saldada con 2-1 en ABANCA-RIAZOR e 1-0 no Heliodoro Rodríguez López. O Dépor pasou na quenda de penaltis: 3-4.
No mes de setembro de 1989 ambos os conxuntos víronse en 1ª rolda, con 3-3 en Riazor e 3-0 para os tinerfeños na volta.
Volveu quedar apeado o Dépor en 1996, nesta ocasión en oitavos de final, con estes resultados: 1-1 na Coruña e 2-1 nas Illas Canarias.
Finalmente, o 3 de xaneiro de 2001, a partido único de dezaseisavos, o equipo tinerfeño venceu no Heliodoro Rodríguez López ao conxunto branquiazul por 3-2.
Esta temporada en primeira eliminatoria, o Dépor apeou ao CD Covadonga (1-3) nun partido disputado no Estadio Ganzábal de Langreo e resolto na prórroga con goles de Pablo Vázquez, Lucas Pérez e Mella. Pola súa banda, o CD Tenerife eliminou á SD Compostela no Estadio Vero Boquete (0-1) de Santiago de Compostela.
O resto de emparellamentos desta segunda rolda son os seguintes:
Atlético Astorga - Sevilla FC
Atzeneta - Getafe CF
Arosa SC - Valencia CF
CF Villanovense - Real Betis
UD Barbastro - UD Almería
Arandina CF - Cádiz CF
Terrassa FC - Deportivo Alavés
Orihuela CF - Girona FC
Yeclano Deportivo - Rayo Vallecano
CD Valle de Egüés - RCD Mallorca
Zamora CF - Vilarreal CF
CD Tudelano - UD Las Palmas
CE Andratx - Real Sociedad
CD Cayón - Athletic Club
Sestao River - RC Celta
CD Lugo - CD Mirandés
Antequera CF - SD Huesca
Málaga CF - CD Eldense
CD Arenteiro - Burgos CF
CD Castellón - Real Oviedo
UD Melilla - SD Eibar
Unionistas de Salamanca CF - Sporting de Gijón
Linares Deportivo - Elche CF
Levante UD - SD Amorebieta
RCD Espanyol - Real Valladolid
AD Alcorcón - FC Cartagena
Racing de Ferrol - CD Leganés
