O partido do Dépor ABANCA en ABANCA-RIAZOR deste sábado 12 de abril ás 16:30 ante FC Levante Badalona (Dazn) foi declarado polo RC Deportivo como "O Día DÉ..." A Nosa Canteira Feminina.
Por medio desta proposta, destinaranse prazas do Palco de Honra do Estadio aos traballadores e traballadoras que diariamente coidan das nenas que teñen o soño de defender algún día a camiseta do Dépor ABANCA.
En cada encontro en ABANCA-RIAZOR esta temporada, máis da metade das localidades do Palco de Honra serán destinadas a un colectivo da cidadanía ou a un sector de #ANOSAFORZA, para facer a entidade máis próxima, dar protagonismo á masa social deportivista e agradecer o seu excepcional apoio unha temporada máis.