Os Nosos completaron este xoves 18 de decembro unha nova sesión de traballo no Dépor Training Center "conscientes de onde imos" tal e como sinalou Arnau Comas en rolda de prensa en referencia ao encontro deste sábado 20 de decembro ás 14:00 (LaLiga TV Hypermotion) no Nou Estadi Encamp de Andorra.
Cre o defensor deportivista que "o campo é o máis diferente da liga pola altura, por onde está, polas temperaturas".
Ademais, subliña que o FC Andorra "é un equipo moi diferente. Non é tan común. É bastante mozo que domina bastantes fases do partido, con posesións moi longas".
Así pois, Arnau Comas destaca a importancia de "ser conscientes onde imos, o que nos imos a atopar para, desde a orde, facer o noso partido e sumar os 3 puntos".
Após unha activación, Antonio Hidalgo dispuxo un exercicio táctico, un xogo de posición e unha tarefa de finalizacións.
Ximo Navarro e Daniel Bachmann seguen completando sesións co grupo mentres que Escudero é o único futbolista con adestramento personalizado.
Quique Teijo, Noé, Fabi e Bil foron os representantes de #ANOSACANTEIRA.
Este venres 19 de decembro Os Nosos adestraranse ás 10:00 no Dépor Training Center para partir de viaxe a Andorra, vía Barcelona, nada máis concluír.