Pablo Martínez recalcou esta mañá na sala de prensa de Abegondo que "o apoio de #ANOSAFORZA sempre dáche unha enerxía máis e queriamos devolverlle esta enerxía de volta. Polo apoio que nos deron onte (no partido ante a Real Sociedad B en ABANCA-RIAZOR) había que celebrar con eles".
Insiste que a bancada "é unha tolemia. Non o ves ningunha parte do mundo do fútbol, unha afección que che apoia si ou si é unha tolemia. Para nós onte, cando estás con 10 contra 11, eu non o vin porque sumamos, #ANOSAFORZA estaba a apoiarnos de tolos e queriamos dar un paso máis. Fixemos un esforzo de tolos, todo o mundo saíu deste partido rebentado e tamén segue. Levanteime con dor por todo o corpo, pero cando unha afección che apoia así non podes deixar nada. Déixasche a vida no campo e iso axuda moito. Hai que agradecer iso porque eu a verdade, nunca o vin".
Así mesmo, manifestou que "estamos moi contentos porque sumamos puntos. Queriamos empezar ben o novo ano, fixémolo".
O central deportivista sostén que "desde Irún, onde tocamos fondo, falámonos á cara e desde este momento sumamos. Estamos a xogar moito mellor que antes, queremos gañar todos os partidos".
Do choque de onte ante a Real Sociedad B, explica que "empezamos ben con esa primeira parte. A segunda foi un pouco máis difícil, pero temos eses 3 puntos. Sabemos o mes de xaneiro que nos espera, o traballo que temos que facer e se hai que sufrir para conseguir todo iso, pois a min gústame sufrir".
Finalmente Pablo Martínez valora o aspecto defensivo como "un traballo de equipo. Vense máis os centrais porque nós despexamos e xogamos os últimos balóns dentro da área, pero é o traballo de todo o equipo".
Pon como exemplo a David Mella, que "no último momento do partido vaise só e que ao ver ao central vaise ao córner. Para nós é osíxeno. Todo o mundo fixo un traballo de tolos, Lucas, os medioscentros... Nós onte demos as grazas a todo o equipo porque nos deixaron un partido, non tranquilo, pero con menos traballo do que facemos sempre".
