A Dépor Escola cumpre o seu primeiro mes neste curso 2025-26 con 500 alumnos e alumnas repartidos entre as 7 sedes.
Esta escola profesional de fútbol está destinada a todos os nenos e nenas nadas entre 2012 e 2019 incluídos que desexen complementar a súa formación de maneira máis específica con adestradores da canteira do RC Deportivo independentemente do seu nivel de práctica.
Até a data quedan aínda prazas nas seguintes quendas:
Sede de Alvedro
-Iniciación:
Luns, martes e mércores ás 17:00
-Tecnificación
Martes ás 18:00, mércores ás 18:00, e xoves ás 17:00 e 18:00
-Perfeccionamento
Martes ás 19:00
Sede de Sada
Luns ás 17:15, mércores ás 17:15 e venres ás 16:15
Sede de Paiosaco
Mércores ás 16:30
Sede de Zas
Mércores ás 16:30 e 17:30
Sede de Bertamiráns
Martes ás 16:30 e ás 17:30
No Colexio Internacional de Eirís e no Colexio Jesuitinas a preinscrición é no citado centro
Toda a información acerca de tarifas, horarios, que inclúe a actividade... pode consultarse en http://escola.rcdeportivo.es.
Para calquera dúbida ou consulta acerca da actividade así como calquera problema co proceso de inscrición poden contactar coa organización no correo electrónico escola@rcdeportivo.es.
Novidades este curso
Están previstas como novidade este curso 3 modalidades na sede de Alvedro.
-Iniciación, dirixida a nenos e nenas entre 3 e 6 anos.
Hai grupos reducidos (máximo 8 xogadores/as) e os obxectivos son: descubrimento do xogo e actividades para descubrir o fútbol; familiarización co balón e xogos predeportivos; e finalmente habilidades motrices básicas e psicomotricidade.
-Tecnificación, para nenos e nenas entre 6 e 11 anos; e tamén en grupos reducidos.
Aplícase a metodoloxía específica do adestramento de fútbol 8 do RC Deportivo, traballarase a mellora de xestos técnicos ofensivos e defensivos; á vez que se axudará na comprensión do xogo do xogador e toma de decisións.
-Perfeccionamento, para nenos e nenas entre 7 e 14 anos.
Este nivel é de adestramento de alto nivel, con sesións individualizadas e en grupos máis reducidos.
O material de adestramento é avanzado, e haberá un seguimento e avaliación continua para potenciar o seu rendemento.
Trátase dunha oportunidade única para levar o seu fútbol ao seguinte nivel co selo formativo do RC Deportivo.