Raquel García Yagüe (Madrid, 22 de abril de 1997) asinou a súa renovación co Deportivo ABANCA por dúas temporadas, até xuño de 2026.
A central madrileña acaba de concluír a súa terceira temporada en Abegondo, na que logrou o ansiado ascenso á liga F despois de tres temporadas no segundo chanzo do fútbol nacional.
Foi a primeira futbolista desa comunidade na historia do Dépor ABANCA, ao que chegou na temporada 2021-22. Disputou no seu primeiro ano como branquiazul 30 partidos de liga, 1 de playout e 2 de Copa de la Reina.
A campaña seguinte, 2022-23, tamén en Reto Iberdrola, xogou 30 partidos de liga (con 3 goles), 4 de playoff de ascenso e 1 de Copa de la Reina.
Esta temporada, a do ascenso, xogou 26 partidos (con 2 goles) e 1 de Copa.
Así pois, suma 95 partidos oficiais coa camiseta deportivista e 5 goles.
Raquel García comezou a xogar ao fútbol con só 8 anos no CD Puerta Bonita madrileño. Formada na canteira do Atlético de Madrid, ao que pertenceu durante 10 campañas (2007-2017), no curso 2017-2018 fichou polo Málaga CF. Raquel foi parte importante do equipo que logrou o ascenso a Primera Iberdrola e tamén na temporada do debut malagueño na máxima categoría, na que xogou 29 encontros (todos como titular) e marcou o seu primeiro e único gol na mesma.
Ao curso seguinte, a central madrileña puxo rumbo ao EDF Logroño, co que participou en 20 encontros de Primera Iberdrola, 14 deles como titular.
A súa última parada antes de Abegondo foi o Granada CF, co que militou en Reto Iberdrola. Raquel xogou 21 partidos (13 como titular) e anotou un tanto.
A renovación de Raquel García únese a outras xa confirmadas nas pasadas semanas como Cris Martínez, Samara e Yohana.