Despois de 12 horas de autocar de regreso de Almería durante toda a noite do sábado ao domingo, con chegada ás 12:00 do mediodía á Coruña, o Dépor deseñou un luns de recuperación física.
Os titulares no UD Almería Stadium fixeron no céspede unicamente unha activación antes de pasar ao ximnasio e á sala de fisioterapia.
"Demos un bo golpe", apuntou Mario Soriano na zona mixta após o triunfo ante o equipo almeriense.
O centrocampista branquiazul, no entanto, lembra que "queda moito, 20 partidos, e isto é moi longo".
Para os demais membros do cadro houbo ademais un exercicio de posición, outra de transicións ofensivas e fútbol reducido, de alta intensidade.
Bil e Noé, que debutou o pasado sábado en liga despois de haberse xa estreado en Copa del Rey, foron os representantes de #ANOSACANTEIRA.
Este martes haberá xornada de descanso. O Dépor comezará o mércores 21 de xaneiro ás 10:30 no Dépor Training Center a preparar a seguinte cita ligueira, o domingo 25 de xaneiro ás 21:00 horas (LaLiga TV Hypermotion e Fútbol 2, dispoñible en DIGI TV e outras plataformas) en ABANCA-RIAZOR ante o Real Racing Club.
