-Foto:@https://x.com/AUFfemenino
A xogadora do Dépor ABANCA Espe Pizarro (na foto agachada a primeira futbolista empezando pola dereita) está concentrada coa selección uruguaia con motivo da Copa América que se xoga en Ecuador.
Os rivais de Uruguai na primeira fase son Ecuador, Arxentina, Perú e Chile.
O terceiro partido da competición foi ante Perú esta pasada madrugada en Galicia.
Do mesmo xeito que ante Arxentina, a nova dianteira do Dépor ABANCA xogou completo o partido que supuxo a primeira vitoria do seu equipo no torneo ao derrotar ás peruanas por 1-0 con gol de Belén Aquino de penalti no minuto 63.
O primeiro encontro das uruguaias foi fronte a Ecuador.
Neste caso Espe Pizarro seguiu desde o banco o choque, resolto cun agridoce empate final a dous goles porque Uruguai ía gañando 2-0 no minuto 70.
O último partido desta Primera Fase para a xogadora deportivista é o venres 25 de xullo ás 19:00 (hora local, 2:00 do sábado 26 en Galicia) fronte a Chile.
O calendario de Uruguai nesta Copa América, cos resultados dos xa xogados, é o seguinte:
Primeira Fase
Venres 11 de xullo
ECUADOR 2 - URUGUAI 2
Martes 15 de xullo
URUGUAI 0 - ARXENTINA 1
Venres 18 de xullo
URUGUAI 1 - PERÚ 0
Venres 25 de xullo
19:00 (2:00 do sábado 26 en Galicia): CHILE - URUGUAI, no Estadio Gonzalo Pozo
Os dous primeiros pasan a semifinais mentres que o terceiro pelexará polo 5º posto da competición.
