Bárbara Latorre Viñals (Zaragoza, 14 de marzo de 1993) chegou ao Dépor ABANCA no verán de 2023 procedente da AS Roma da Serie A italiana. No palmarés da súa dilatada traxectoria profesional figuran 3 Copas de la Reina, 2 co FC Barcelona e 1 co Atlético de Madrid. Na Primeira División, hoxe Liga F, militou no Zaragoza CFF (2011-12 e 2012-13), RCD Espanyol (2013-14 e 2014-15), FC Barcelona (da 2015-16 á 2018-19 incluída), Real Sociedad (2019-20 e 2020-21) e finalmente Atlético de Madrid (2021-22 e 2022-23) antes de dar o salto á AS Roma. Na súa última tempada xogou 10 partidos coa AS Roma, 8 de liga e 2 de Women's Champions League. Na segunda volta xogou cedida no Levante Las Planas. Bárbara Latorre vestiu en 24 ocasións a camiseta da selección española absoluta desde 2016, entre eles a Fase Final da Eurocopa 2017.