Millene Cabral Vieira (Porto Alegre, Brasil, 29 de novembro de 1997) chegou ao Dépor ABANCA no verán de 2022, procedente do Rayo Vallecano, equipo co que disputou 26 encontros e marcou 3 goles na división de honra nacional. A dianteira brasileira foi a máxima goleadora do Dépor ABANCA no curso 2022-23. Anteriormente, Millene aterrou en España da man do Real Sporting de Gijón, co que se proclamou máxima goleadora de Reto Iberdrola na Tempada 2020-2021. A xogadora gaúcha anotou 16 goles en 22 encontros, 21 deles como titular. Aos 17 anos, Millene incorporouse ao conxunto da universidade estadounidense Martin Methodist (agora University of Tennessee Southern), na que militou durante catro cursos. En 2019 xogou no Vegalta Sendai xaponés e no LA Galaxy norteamericano, antes de regresar ao seu país en 2020 para fichar polo Foz Cataratas FC.