Paula Redruello Fernández (Oviedo, 2007), coñecida futbolisticamente como 'Redru', centrocampista asturiana, formouse no CD Mosconia e pasou en 2018 ás categorías inferiores do Sporting de Gijón. En febreiro de 2022 debutou co filial sportinguista en Primera Nacional e con 15 anos xogou o seu primeiro partido co Sporting de Gijón en Reto Iberdrola. A tempada seguinte (2022-23) xa forma parte do primeiro cadro e liderou o seu equipo no ascenso a Segunda RFEF. Con apenas 17 anos, esta pasada campaña (2023-24) xogou un total de 2.351 minutos que serviron para acadar a permanencia en Segunda. Redru é internacional española nas categorías sub-16 e sub-17.