Eva Dios Nieto (A Illa de Arousa, Pontevedra, 4 de marzo de 2002) incorporouse ao Deportivo ABANCA B no verán de 2020 procedente do Viaxes Interrías FF, despois de comezar a súa traxectoria no Céltiga CF para, posteriormente, xogar no Portonovo SD e no Victoria FC de Santiago. Porén, pouco tardou en dar o salto ao primeiro equipo para non o abandonar xa desde a súa estrea en outubro de 2020.