Carlota Sánchez Sánchez (A Coruña, 21 de xaneiro de 2002) formouse inicialmente nos equipos masculinos do CD Calasanz e posteriormente na estrutura feminina do Orzán SD. Carlota Sánchez incorporouse ao Deportivo ABANCA no curso 2017-2018. Despois de tres campañas no Dépor ABANCA B, na Temporada 2020-2021 deu o salto definitivo ao primeiro equipo, co que xa se estreara oficialmente ao inicio da súa segunda temporada no Club. Desde o inicio da campaña 2022-2023 é futbolista do primeiro cadro a todos os efectos. Internacional sub-17 e sub-19 en numerosas ocasións, debutou co Dépor ABANCA con 16 anos e na división de honra con 17.