Cristina Martínez Gutiérrez (Astorga, León, 26 de xuño de 1993) chegou ao Dépor ABANCA na primeira tempada do equipo, a 2016-17, na que o Club recuperou o seu equipo feminino case 30 anos despois da desaparición do Karbo Deportivo. Procedente do Atlético Astorga é a xogadora que máis partidos acumula de blanquiazul, con máis de 220 encontros. Foi titular no primeiro partido oficial da historia do Dépor ABANCA e no encontro do ascenso á máxima categoría, ademais de no debut na división de honra.