Elena Vázquez Brandón (Carballo, A Coruña, 8 de outubro de 2007) alternou no curso 2022-23 participacións co Orzán SD e co Dépor ABANCA B. A futbolista carballesa proclamouse subcampioa de Europa coa selección española sub-17, pola que foi convocada malia ter só 15 anos. A defensa blanquiazul debutou co Deportivo ABANCA nun amigable co Deportivo Alavés Gloriosas disputado o 17 de febreiro de 2023. Ademais, converteuse na xogadora máis nova en debutar en partido oficial co Dépor ABANCA, con só 15 anos. Foi no encontro da 1ª xornada no campo do CE Europa (1-2), no que ademais deu a asistencia do tanto da vitoria.