A central alemá Merle Barth (Waldbröl, 21 de abril de 1994) converteuse en nova xogadora do Dépor ABANCA na tempada 2025-26, procedente do Atlético de Madrid, club ao que se incorporou en 2022. Antes da súa etapa en España, a nova zagueira blanquiazul desenvolveu toda a súa carreira en Alemaña. Formouse e xogou durante dez tempadas no Bayer Leverkusen, e posteriormente militou no Turbine Potsdam, acumulando máis de 200 partidos na elite do fútbol alemán.