A FUNDACIÓN RC DEPORTIVO ACHEGA O PROXECTO GENUINE AO COLEXIO PEÑARREDONDA DA CORUÑA

O Dépor Genuine, da man da Fundación RC Deportivo, realizou unha visita ao Colexio de Fomento Peñarredonda da Coruña.A xornada arrincou cunha charla para explicar o proxecto Genuine na Fundación RC Deportivo así como as Escolas RC Deportivo de Diversidade Funcional.A continuación disputouse un partido de fútbol sala nas propias instalacións do citado centro educativo no que participaron Os Nosos e os alumnos de bacharelato.Estas charlas forman parte do compromiso fundacional relacionado coa educación, a divulgación da diversidade dentro do deporte así como a xeración de espazos de verdadeira inclusión dentro da comunidade.