A SEDE DE SADA DA ESCOLA RC DEPORTIVO GOZOU ESTE DOMINGO UNHA XORNADA DE CONVIVENCIA NA CIDADE DEPORTIVA DE ABEGONDO

Os 80 alumnos e alumnas da sede de Sada da Escola RC Deportivo gozaron hoxe domingo dunha xornada de convivencia na Cidade Deportiva de Abegondo.Ás 10:30 foron recibidos os nenos e nenas na bancada do campo de herba sintética da instalación branquiazul.A continuación, os monitores organizaron unha serie de xogos e competicións con balón que fixeron as delicias dos participantes.Esta escola de fútbol, que vai de outubro a maio, está dirixida a todos os nenos e nenas entre 6 e 14 anos que desexen complementar a súa formación de maneira máis específica con adestradores da canteira do RC Deportivo, independentemente do seu nivel de práctica.A Escola RC Deportivo atópase no segundo trimestre para 400 nenos e nenas repartidos nestas sedes: Alvedro, Outes, Colexio Jesuitinas, Colexio Internacional Eirís, Sada e Zas.Para calquera dúbida ou consulta acerca da actividade poden contactar coa organización no correo electrónico [email protected].