ADAMA TRAORE, NOVO XOGADOR DO DÉPOR ATA XUÑO DE 2028

Adama Traoré Diarra (L'Hospitalet de Llobregat, Barcelona, 25 de xaneiro de 1996) convértese en novo xogador do RC Deportivo ata xuño de 2028.

O novo extremo dereito branquiazul chega á Coruña avalado por unha ampla experiencia internacional e por unha traxectoria desenvolvida, principalmente, no fútbol inglés. A pasada temporada, 2025-26, disputou 24 partidos de Premier League e 4 de FA Cup entre o West Ham e o Fulham FC.

Formado nas categorías inferiores do FC Barcelona, Adama Traoré chegou a debutar co primeiro equipo azulgrana, co que disputou 12 encontros.

A súa carreira desenvolveuse posteriormente en Inglaterra, onde defendeu as camisetas de Aston Villa, Wolverhampton Wanderers, Fulham FC e West Ham, entre outros equipos.

En total, o novo futbolista deportivista acumula 271 partidos na Premier League, con 14 goles e 27 asistencias, ademais de experiencia nas grandes competicións europeas: 1 partido de Champions League e 16 de Europa League, nos que suma 2 goles e 2 asistencias.

Internacional nas categorías inferiores da selección española, Adama Traoré chegou a vestir en 8 ocasións a camiseta da selección absoluta.

Coa súa incorporación, o Dépor suma ao seu proxecto a un futbolista de amplo percorrido internacional, experiencia noutra das grandes ligas europeas e acostumado a competir nos escenarios máis esixentes.