O DÉPOR VENCE AO AURIENSE CA E SUPERA A PRIMEIRA ROLDA DA COPA DEL REY CON "TODO O NOSO APOIO, TODA A NOSA FORZA ÁS FAMILIAS DOS FALECIDOS NO ACCIDENTE FERROVIARIO DE TOLEDO"

O Deportivo estreouse na presente edición da Copa del Rey con triunfo por 0-3 ante o Auriense CA este xoves 29 de outubro no campo do Couto.Deste xeito, Os Nosos acceden á segunda eliminatoria copeira que se disputará a principios do mes de decembro.Antonio Hidalgo mandou en primeiro lugar "o pésame ás familias dos falecidos no accidente ferroviario de Toledo. Teñen todo o noso apoio, toda a nosa forza. Son momentos duros para todos e temos que estar todos xuntos".Foron baixa en Ourense os lesionados Aubameyang, Eddahchouri, Casadó e Bright Ede.Martín Ochoa, Rubén López, Yayo, Kevin e Noé, os dous últimos titulares, foron os representantes de ANOSACANTEIRA durante os 90 minutos.Como xa anticipou na rolda de prensa previa, o once inicial blanquiazul estivo integrado por varios dos futbolistas con menos participación en liga: Ferllo na portería, Arnau e Angeliño en defensa e Asp Jensen no medio do campo.Ademais estreouse Adama no equipo titular por primeira vez en partido oficial desde a súa chegada ao Club.O rival, o Auriense CA, campión da Supercopa gallega, accedeu á Copa del Rey tras superar na eliminatoria previa o CD San José de Soria.O conxunto ourensán ocupa actualmente a 14ª praza no grupo sur da Preferente Autonómica con 7 puntos.Aos 3 minutos puido marcar Riki nun remate de cabeza que marchou fóra por pouco tras un centro de Adama.A seguinte foi de Kevin noutra volea na área do Auriense CA lixeiramente desviada.Con 5 categorías de diferenza entre un e outro, o dominio era total do Dépor.Angeliño probou fortuna aos 13 minutos, tamén sen atopar portería.Pasada a media hora, Ximo Navarro, cunha volea que non chegou a conectar ben, obrigou a lucirse ao porteiro do Auriense CA Atanes, que enviou a córner."Comezamos moi ben, con moitísimas ocasións, chegando moito á área. Cando non te pos por diante sempre tes esa incerteza", apuntou o técnico deportivista.Pero no único erro da defensa do Auriense CA, que aguantara con moita dignidade as avalanchas deportivistas, chegou o primeiro gol do partido. Kevin rouba un balón e cédello a Asp Jensen para que só teña que empurralo á rede.Esa xogada significou o final do primeiro tempo."Todo está moi igualado no mundo do fútbol", resumiu o preparador blanquiazul.

Tras o paso polos vestiarios o encontro seguiu coa mesma tónica: dominio total do Dépor, que no inicio tivo unha serie de remates en saques de esquina como os protagonizados por Villares ou Lucas Noubi.O segundo gol chegou nun bo pase ao espazo de Ximo a Noé, que cede atrás a Asp Jensen para que remate de novo a pracer ao fondo da rede. Corría o minuto 57.Antonio Hidalgo empeza a mover o banco. Martín Ochoa, Luismi e Yayo entran por Noé, Kevin e Riki.Precisamente puido marcar o terceiro Martín Ochoa no minuto 66 pero o seu remate a queimarroupa sácao Atanes nunha gran parada.Os últimos minutos deixaron o regreso de Rubén López en partido oficial ao primeiro equipo ao substituír no minuto 79 a Villares.A Asp Jensen escapóuselle o 'hat trick' ao mandar alto no minuto 81 na área pequena un balón con todo a favor.Pero si acertou Luismi nunha bonita xogada persoal no minuto 85 con caneo incluído ao porteiro Atanes no disparo final.Case no desconto, o Auriense CA, na súa única chegada á portería rival, estrelou un balón no pau dereito da meta de Ferllo entre a algarabía da afección local.Con 0-3 concluíu o partido e o Dépor estará na segunda rolda copeira."En xeral foi un partido bastante bo. O último terzo témolo que mellorar porque tivemos demasiadas ocasións con demasiada claridade para facer algún gol máis dos tres que fixemos".Auriense CA: Atanes, Yonier Calvo, Carlos Ro (Joel, min. 77), Massi, Nicolás González, Miguel Lorenzo (Xabi, min. 63), Marcos Díaz, Fernando Méndez (Adrian Blanco, min. 79), Arango, Baldo (Joco, min. 63) e Adrián (Raúl Gallego, min. 46)Deportivo: Ferllo, Ximo Navarro, Lucas Noubi, Arnau, Angeliño, Villares (Rubén López, min. 79), Riki (Yayo, min. 62), Adama (Mella, min. 71), Asp Jensen, Noé (Martín Ochoa, min. 62) e Kevin (Luismi, min. 62)Árbitro: Francisco José Hernández Maeso, do comité estremeño. Amoestou a Nicolás González (min. 9) e Massi (min. 74)Goles: 0-1 Asp Jensen (min. 45); 0-2 Asp Jensen (min. 57); 0-3 Luismi (min. 85)Incidencias: partido disputado en O Couto. Gardouse un minuto de silencio polas vítimas do tráxico accidente de tren en Urda