O RC DEPORTIVO ACTIVA A PRERRESERVA DE ENTRADAS PARA A VISITA AO CÁDIZ CF DO VENRES 8 DE MAIO ÁS 20:30 HORAS

O RC Deportivo habilita a prerreserva de entradas para o partido do venres 8 de maio ás 20:30 horas no Estadio Nuevo Mirandilla ante o Cádiz CF, correspondente á 39ª xornada de LaLiga Hypermotion.O conxunto cadista puxo á disposición do RC Deportivo un total de 380 entradas, das cales o 40% serán xestionadas e vendidas pola Federación de Peñas (152), e o resto a través do Club (228).As localidades, limitadas a 2 por abonado, teñen un prezo de 20 euros.Para realizar a xestión, o abonado deberá acceder á web reservas.rcdeportivo.es.

A prerreserva poderá realizarse desde a publicación desta nota ata o venres 1 de maio ás 21:00 horas.No caso de que houbese máis abonados en prerreserva ca entradas dispoñibles, realizarase un sorteo, cuxo resultado se lles comunicará aos abonados agraciados o sábado 2 de maio; e notificaráselles a forma de pago e como recibir as entradas.As localidades que non fosen retiradas o luns 4 de maio ás 18:00 horas serán asignadas aos suplentes que se designen, así mesmo, no sorteo realizado.O prazo límite para a retirada das entradas será o martes 5 de maio ás 18:00.En consecuencia, non haberá venda física de entradas na OAD para este encontro.Será obrigatorio presentar o abono e o DNI do abonado.