A GRAN FAMILIA DOS DÉPORCAMPUS PASA POR BERTAMIRÁNS POR DÉCIMO ANO

A familia dos DéporCampus pasa por 10ª vez polo concello de Ames, en colaboración co Bertamiráns FC.Deste xeito, esta sede consolídase como unha das máis antigas e de referencia.O acto de presentación consistiu nun evento conxunto de todas as actividades deportivas do Concello de Ames na época estival.Asistiron Susana Señoris Rodríguez, concelleira de Deportes; Alberto Viaño, técnico de Deportes; Iván Sanmartín, técnico de Deportes; Rafael J. Budiño Rey, presidente do Bertamiráns FC; Juan Diego Rodríguez Rogido, director deportivo; e Adrián Vilas Martínez, adxunto á coordinación dos DéporCampus.A actividade desenvolverase do luns 13 de xullo ao venres 17 de xullo, en horario de 10:00 a 14:00.Está dirixida a nenos e nenas entre 6 e 14 anos (nados entre 2012 e 2020, ambos incluídos) con independencia do seu nivel de práctica ou experiencia.Os adestradores e adestradoras da canteira do RC Deportivo implantarán en Ames a metodoloxía de adestramento que os equipos de base realizan no Dépor Training Center.Os obxectivos son os seguintes:-Aprender e desenvolver a coordinación a través de xogos coordinativos.-Aprender as habilidades e conceptos na relación co corpo.-Aprender as habilidades e conceptos na relación co balón.-Traballar os fundamentos técnico-tácticos cunha metodoloxía analítica.-Competir e gozar mediante partidos en diferentes espazos.-Transmitir os valores que representa o Dépor: RESPECTO, SOLIDARIEDADE, AMIZADE, XOGO LIMPO, INTEGRACIÓN, ESFORZO E FELICIDADE.Máis información e inscricións neste enlace.