O CONCELLO DA CORUÑA RENDE HOMENAXE AO FABRIL POLO SEU ASCENSO A PRIMERA FEDERACIÓN E A ALCALDESA INÉS REY RECOÑECE A ANOSACANTEIRA COMO REFERENTE NACIONAL

O Concello da Coruña acolleu este martes 21 de abril no Salón de Sesiones do Palacio Municipal de María Pita a recepción institucional ao Fabril con motivo do seu ascenso a Primera Federación, terceira categoría do fútbol masculino nacional.O acto contou coa presenza da alcaldesa, Inés Rey, que presidiu a recepción, así como de representantes do RC Deportivo encabezados polo conselleiro Carlos Ballesta; o director de Fútbol Formativo, Ismael Arilla; o adestrador, Manuel Pablo García; e a totalidade do cadro fabrilista.Durante a súa intervención, a rexedora puxo en valor o papel de ANOSACANTEIRA como referente no fútbol formativo nacional: "Representades unha cidade, unha cultura e unha maneira de vivir, a coruñesa, que marca a todo aquel que pon os pés na nosa cidade. Esforzádevos día a día para que 30.000 almas coreen os vosos nomes en Riazor", sinalou Inés Rey, quen tamén destacou o reto que supón a nova categoría para o equipo."A próxima temporada afrontaredes o máis grande dos retos da canteira branquiazul: afianzarvos no terceiro escano do fútbol nacional. Será un desafío de gran envergadura, mais tamén unha recompensa a un ano histórico", engadiu.O RC Deportivo, a través do seu conselleiro Carlos Ballesta, expresou o agradecemento do club á cidade pola súa acollida nun acto que reforza a relación histórica entre ambas as institucións."É un orgullo para o club estar en María Pita, a casa de todos os coruñeses, e agradecemos este recoñecemento que reforza o vínculo histórico entre o RC Deportivo e a cidade", apuntou Ballesta.Pola súa banda, o capitán Hugo Ríos subliñou o significado colectivo do ascenso: "É un día moi especial porque sentimos o agarimo da nosa cidade. Este ascenso é o reflexo de moito traballo diario, de esforzo en silencio e dunha gran unión dentro do equipo", afirmou.Ao final da recepción, a alcaldesa fixo entrega dunha Torre de Hércules conmemorativa ao RC Deportivo como recordo do acto.