
DÉPOR · 18 ABRIL 2025
O DÉPOR ADESTROUSE ESTA MAÑÁ ARROUPADO POR UNS 200 AFECCIONADOS NO CAMPO PRINCIPAL DE ABEGONDO
A pesar da persistente choiva, o Dépor adestrouse esta mañá no campo principal de Abegondo ante uns 200 afeccionados, na súa maioría nenos e nenas, nunha xornada de portas abertas aproveitando a festividade de Venres Santo.Óscar Gilsanz dispuxo unha activación con rondos e unha tarefa de finalizacións que fixo as delicias de #ANOSAFORZA.Futbolistas como Barbero, Mario Soriano ou Bouldini foron algúns dos aclamados polos máis novos, que corearon os goles e os 'non goles' case coma se dun partido oficial en ABANCA-RIAZOR se tratase.
Adestráronse á marxe do grupo Gauto, Dani Barcia e Petxarromán, con Ximo Navarro con repouso deportivo.Mardones e a meta xuvenil Álex foron esta mañá os representantes de #ANOSACANTEIRA.Finalizado o traballo, os futbolistas achegáronse á banda para asinar autógrafos e fotografarse cos afeccionados que desafiaron o temporal.Mañá sábado 19 de abril Os Nosos realizarán en Abegondo a partir das 11:00 o último ensaio previo ao encontro ante o CD Tenerife previsto para este domingo 20 de abril ás 21:00 horas (LaLiga TV Hypermotion).

Os abonados e abonadas xa poden retirar a súa invitación obri...

Nsongo Bil, citado por primeira vez por Camerún para 3 partid...

O Dépor regresa este martes 8 de setembro ao traballo e lembr...

Alberto Rodríguez cre que o Dépor ABANCA fixo en Tenerife «un...

Luismi: "O grupo está mentalizado nunha cousa e imos por bo c...

Primeiro partido de Marisa García e Ainoa Gómez no Mundial su...