O SEGUNDO BRAZALETE SOLIDARIO, POLA LOITA CONTRA A EXCLUSIÓN SOCIAL, FOI PROTAGONISTA ANTE A CULTURAL LEONESA

O segundo brazalete solidario, que portou este sábado 8 de novembro ante a Cultural Leonesa en ABANCA-RIAZOR o capitán do Deportivo, Diego Villares, estivo dedicado á loita contra a exclusión social, simbolizada na asociación Dignidad Galicia.O Club quere desta forma recoñecer o seu valioso labor social en favor das familias en risco de exclusión social e en favor da infancia.

O RC Deportivo e a RC Deportivo Fundación pon en valor o compromiso de Dignidade Galicia na construción dunha sociedade xusta e solidaria.O proxecto Brazaletes Solidarios é unha iniciativa innovadora e con alto valor social, deseñada pola RC Deportivo Fundación para dar visibilidade a distintas causas solidarias ao longo dos 10 meses de competición da temporada deportiva.O primeiro deles tivo a FEAFES (Federación de Asociacións de Familiares e Persoas con Enfermidade Mental de Galicia) como protagonista, unha "entidade de ámbito autonómico, que agrupa a todas as entidades que traballan con enfermos mentais e as súas familias".