RESULTADOS DESTE SÁBADO 16 EN ANOSACANTEIRA, CON TÍTULO GALEGO PARA O CADETE E O ALEVÍN A; E CALENDARIO DESTE DOMINGO 17, CON FIN DE LIGA PARA O XUVENIL B

Dous equipos de ANOSACANTEIRA proclamáronse campións galegos este sábado 16 de maio.No campo Arsenio Iglesias o Cadete (na foto principal da noticia) pechaba a División de Honra ante a UD Santa Mariña.Os blanquiazules chegaban ao choque na primeira posición con 2 puntos de vantaxe sobre o RC Celta e co golaverage gañado cos célticos en caso de empate a puntos.Así pois, sumar un punto ante a UD Santa Mariña era suficiente para que o Cadete se proclamase campión de liga.Gañaron os deportivistas por 2-1, co que se fan co título.Con este resultado, o conxunto que prepara Borja Souto sumou 81 puntos, con 26 partidos gañados, 3 empatados e 1 perdido; e con 78 goles a favor por 26 en contra.E no campo Salvador Otero da Illa de Arousa o Alevín A proclamouse campión galego de fútbol 8.Os alevíns superaron en semifinais ao Pabellón Promesas (5-2) e na gran final ao RC Celta (5-0).Pola súa banda, os benxamíns caeron co RC Celta (2-3) en semifinais e lograron a medalla de bronce ao superar na final de consolación á SD Compostela (0-4).Completou a xornada do sábado o último partido de liga do San Tirso SD Cadete, en O Monte ante o CD Lugo: 3-1.Os 'verdes', con todos os seus xogadores de primeiro ano na categoría, completaron unha brillante tempada cun histórico terceiro posto, só superados en Galicia por Dépor e RC Celta.Chegaron aos 53 puntos polos seus 15 partidos gañados, 8 empatados e 7 perdidos; cun total de 62 goles a favor por 47 en contra.

Para o domingo 17 de maio queda a despedida do Xuvenil B, xa subcampión da Liga Nacional hai varias semanas, ás 10:45 no Dépor Training Center ante o Alondras CF.Por outra banda, o Alevín conclúe en Lugo ante o ADC A Piringalla (11:00) o grupo norte do Trofeo Conservas Calvo de fútbol 11.Os deportivistas buscan certificar a primeira praza e xogar a final do torneo contra o campión do grupo sur, o RC Celta.Finalmente, ese mesmo domingo 17 o Benxamín A compite no Torneo Oroso de fútbol 8 en Sigüeiro mentres que o Fabril FC Benxamín no Trofeo Frigohogar no campo de Berdón, en Vilagarcía.ANOSACANTEIRA celebra ademais a convocatoria de Mauro Valeiro para disputar o campionato de Europa sub-17 en Estonia.O centrocampista do Xuvenil A concentrouse este venres 15 de maio na localidade alacantina de Alfaz del Pi antes de desprazarse ao país báltico.Un partido adiantouse á fin de semana en ANOSACANTEIRA.Este venres 15 de maio no Dépor Training Center o Infantil e o San Tirso SD Infantil puxeron o punto e final á División de Honra.Ambos equipos cumpriron os seus obxectivos: título os blanquiazules e zona media-alta 'os verdes'.Venceu o Dépor (8-1), que recolleu das mans de Diego Batalla, secretario xeral da Federación Galega de Fútbol, o trofeo de campións de liga.O Infantil finalizou a competición con 85 puntos, con 28 partidos gañados, 1 empatado e 1 perdido; e con 214 goles a favor por 8 en contra.Pola súa banda, os 'verdes' sumaron 43 puntos froito de 12 partidos gañados, 7 empatados e 11 perdidos; e con 55 goles marcados por 66 encaixados.O calendario de partidos, cos resultados dos xa xogados, é o seguinte:Categoría xuvenilLiga Nacional, 34ª xornada (última): XUVENIL B - ALONDRAS CF, o domingo 17 de maio ás 10:45 no Dépor Training Center

Categoría cadeteDivisión de Honra, 30ª xornada (última): CADETE 2 (José Quiroga e Nico Giovanni) - UD SANTA MARIÑA 1División de Honra, 30ª xornada (última): SAN TIRSO SD CADETE 3 (Asier Valverde -3-) - CD LUGO 1Categoría infantilDivisión de Honra, 30ª xornada (última): INFANTIL 8 (Álvaro Gómez, David Gómez, Hugo Macedo -2-, Sergio Fernández, Santi Durán -2- e Yoel Puñal) - SAN TIRSO SD INFANTIL 1 (Hugo Álvarez)Categoría alevínTrofeo Conservas Calvo de fútbol 11, 13ª xornada (última): ADC A PIRINGALLA - ALEVÍN, o domingo 17 de maio ás 11:00 no Municipal Rodríguez Lago 2Fase Final do Campionato Galego de fútbol 8, no campo Salvador Otero (A Illa de Arousa)Sábado 16 de maioSemifinaisALEVÍN A 5 (Mateo Songo'o -4- e Saúl Cancela) - PABELLÓN PROMESAS 2FinalALEVÍN A 5 (Mateo Songo'o -2-, Enzo Fernández, Adrián Prieto e Adrián Míguez) - RC CELTA 0Categoría benxamínSemifinaisBENXAMÍN A 2 (Pablo Campanero e Tomás Sánchez) - RC CELTA 3Terceiro e cuarto postoSD COMPOSTELA 0 - BENXAMÍN A 4 (Ian Lata -2-, Tomás Sánchez e Hugo Cancela)Torneo Oroso, no campo Lino Balado (Sigüeiro, Oroso)Domingo 17 de maioPrimera Fase10:00: BENXAMÍN A - ED XUVENTUDE DE OROSO12:00: BENXAMIN A - UD SANTA MARIÑA14:20: BENXAMÍN A - PRAIÑA SPORTING CLUBEn función da clasificación os equipos pasarán á fase final3er Torneo Frigohogar, no campo de Berdón (Vilagarcía)Domingo 17 de maioPrimera Fase10:15: FABRIL FC BENXAMÍN - EF SILLEDA13:35: FABRIL FC BENXAMÍN - UMIA CF16:45: FABRIL FC BENXAMÍN - CALDAS CF18:25: FABRIL FC BENXAMÍN - SALGUEIRIÑOS CFEn función da clasificación, os equipos pasan a unha Fase Final