SEN GOLES NO CARLOS TARTIERE DE OVIEDO NO SEGUNDO AMIGABLE DO DÉPOR

A pretemporada aumenta de ritmo nesta recta final do mes de xullo e comezos de agosto.Este sábado 25 de xullo o Dépor midiuse, ademais no seu propio campo, a un recentemente descendido de Primera División, o Real Oviedo, que buscará esta campaña retornar a LaLiga EA Sports.Este segundo exame rematou sen goles.Foron baixa Yeremay, Mella e Loureiro, que están con adestramento personalizado; ademais do canteirán Noé, cunha sobrecarga no xemelgo e de Bright Ede, con molestias nun adutor.Bil, titular, Samu, Xabi Campos, Guerrero, Kevin Sánchez e Quique Teijo foron os representantes de ANOSACANTEIRA na convocatoria.O partido trouxo o debut de Aubameyang, que disputou os seus primeiros minutos como xogador do Dépor saíndo ademais no once inicial.Tamén foron titulares Jensen no lado esquerdo e Germán na portaría.A primeira ocasión de perigo foi para o Dépor. Mario Soriano mete en profundidade un balón ao carril dereito a Ximo Navarro, cuxo centro desvia in extremis Dani Calvo cando varios deportivistas se aprestaban ao remate. Corría o minuto 11.Respondeu o Real Oviedo ao cuarto de hora cun disparo de Youness desde a frontal, demasiado alto.Aos 17 minutos, o meta Narváez gáñalle no man a man a Aubameyang. O balón acaba en saque de esquina.O Dépor fíxose coa pelota e afastou o Real Oviedo da área branquiazul.A mala nova chegou no minuto 27. Altimira tírase ao céspede do Estadio Carlos Tartiere e rapidamente solicita o cambio ao banco.A primeira exploración médica apunta a un traumatismo nun xeonllo. Luismi Cruz foi o seu substituto.Pola parte asturiana, Saenz chuta raso desde moi lonxe ás mans de Germán, que apenas tivo que intervir.Con 0-0 e moito dominio de pelota branquiazul chegouse ao descanso.Tras o paso polos vestiarios arrancou mellor o Real Oviedo, que se achegou con perigo á meta de Germán.Non conseguía o Dépor neses primeiros compases da reanudación traspasar o mediocampo.Puideron adiantarse no minuto 60 os asturianos cun disparo de Aldasoro que se estrelou na cruceta da portaría de Germán.Case na xogada seguinte, na outra área, Jensen, só ante Narváez, remata moi alto con todo a favor.Antonio Hidalgo introduciu un carrusel de cambios con ata 7 substitucións simultáneas no minuto 63.O canteirán Samu, situado de lateral dereito, tivo nas súas botas o primeiro gol do partido ao chutar con violencia un balón solto que chegaba desde a banda esquerda. Narváez sacou ben colocado.

Xabi Campos e Quique Teijo foron os dous últimos futbolistas en saltar ao campo por Dani Barcia e Quagliata; polo que Guerrero foi o único xogador sen participar, ademais dos porteiros Leo Román e Ferllo.A última do encontro foi para o Real Oviedo, cun cabezazo de Mingo que se foi lixeiramente desviado.Sen goles rematou este segundo amigable do RC Deportivo.Real Oviedo: Narváez, David Costas (Marco Esteban, min. 76), Youness, Reina (Agudín, min. 76), Iliyas (Jacobo, min. 38 e Eze, min. 76), Dani Calvo (Cardero, min. 76), Samu (Dieguito, min. 76), Aldasoro (Enzo Pérez, min. 76), Pablo Saenz (Aisar, min. 58), Nacho Vidal (Guille Berzal, min. 76) e Isfan (Mingo, min. 58)Deportivo: Germán, Ximo Navarro (Samu, min. 63), Lucas Noubi (Arnau Comas, min. 63), Dani Barcia (Quique Teijo, min. 76), Quagliata (Xabi Campos, min. 76), Amatucci (Villares, min. 63), Altimira (Luismi Cruz, min. 27), Jensen (Riki, min. 63), Mario Soriano (Gijselhart, min. 63), Aubameyang (Eddahchouri, min. 63) e Bil (Kevin Sánchez, min. 63)Árbitro: Germán Cid Camacho, do comité castelán-leonés. Amonestou a Quique Teijo (min. 79)Incidencias: partido disputado no Carlos Tartiere con presenza dun cento de afeccionados do Dépor