RCDeportivo Logo
https://www.instagram.com/rcdeportivo/https://www.tiktok.com/@rcdeportivohttps://x.com/RCDeportivohttps://www.facebook.com/RCDeportivo/https://www.youtube.com/@rcdeportivo
Un Dépor "con bo ritmo, con bo nivel de traballo" centrouse esta mañá nos remates a portería

DÉPOR · 7 FEBREIRO 2025

UN DÉPOR "CON BO RITMO, CON BO NIVEL DE TRABALLO" CENTROUSE ESTA MAÑÁ NOS REMATES A PORTERÍA

O Dépor centrouse esta mañá nas finalizacións no campo 3 da Cidade Deportiva despois dunha activación con rondos.Óscar Gilsanz subliñou en rolda de prensa que o equipo, "un grupo moi comprometido no traballo colectivo", mantén "un bo ritmo, un bo nivel de traballo no día a día".O técnico deportivista confirma que "no adestramento pido que todo o mundo traballe ben, que tente sumar. Esa é unha fortaleza que estamos a ter, o día a día cun cadro amplo. Iso vai aumentar a competitividade".Confirmou as baixas de Escudero e Mfulu para o choque ante a UD Almería previsto para este domingo 9 de febreiro ás 18:30 en ABANCA-RIAZOR (LaLiga TV Hypermotion), ambos con adestramento personalizado ademais hoxe de Germán Parreño.Explica que o mediocentro "está en proceso de readaptación e esperemos incorporalo para a semana".Alberto foi o representante de #ANOSACANTEIRA.Mañá sábado, Os Nosos realizarán a partir das 11:00 a última sesión de adestramento previa ao choque ante os almerienses.