-Foto:@rfef.es
David Mella estivo concentrado en París coa selección española sub-20 para preparar o próximo Campionato do Mundo da categoría que se xogará en Chile do 27 de setembro ao 19 de outubro.
Durante esta fase xogáronse dous amigables ante Francia en Clairefontaine, habitual sede de concentración dos diferentes equipos nacionais galos.
O canteirán branquiazul participou nos dous.
Este domingo 7, no segundo deles, saíu no once inicial e foi relevado no minuto 77 por Jan Salas.
Durante o tempo que Mella estivo sobre o terreo de xogo, principalmente na primeira metade, os españois dominaron o xogo e crearon varias ocasións.
No entanto, o triunfo final foi para os franceses por 1-0, cun tanto no minuto 47.
No primeiro dos amigables, o pasado xoves 4 de setembro, de novo venceu Francia por 2-0 e, nesta ocasión, Mella saltou ao céspede no minuto 65 en substitución de Jan Salas.
A saída ao campo do deportivista coincidiu cos mellores minutos da selección española, que dispuxo de numerosas ocasións para polo menos empatar o partido.
Concluída esta concentración, David Mella regresará á Coruña para incorporarse ao Dépor na súa volta aos adestramentos, o martes 9 de setembro ás 10:30 en Abegondo, após a xornada de descanso de Os Nosos este luns 8.
Os resultados do dobre compromiso de España sub-20 ante Francia foron os seguintes:
Xoves 4 de setembro
FRANCIA 2 - ESPAÑA 0
Domingo 7 de setembro
FRANCIA 1 - ESPAÑA 0
Por este motivo, David Mella foi baixa para o partido ante o Sporting de Gijón en ABANCA-RIAZOR disputado o pasado sábado 6 de setembro.
