Inês Teixeira Pereira (Sintra, Lisboa, 26 de maio de 1999) foi convocada coa selección portuguesa de fútbol para disputar dous partidos amigables ante Estados Unidos.
A gardameta deportivista concentrarase o luns 20 de outubro e viaxará o martes ás 10:25 (hora lusa) ao país americano.
As norteamericanas son as vixentes campioas olímpicas após derrotar na final dos Xogos de París 2024 a Brasil. En total lograron en 5 ocasións a medalla de ouro e ademais son 4 veces campioas do mundo.
O calendario de partidos de Inês Pereira é o seguinte:
Xoves 23 de outubro
19:00 (hora local, 1:00 do venres 24 en Galicia): ESTADOS UNIDOS - PORTUGAL no Estadio Subaru Park en Chester (Pensilvania)
Domingo 26 de outubro
16:00 (hora local, 22:00 en Galicia): ESTADOS UNIDOS - PORTUGAL, no Estadio Pratt & Whitney East Hartford (Connecticut)
Finalizado este encontro, Inês Pereira regresará a Portugal, con chegada a Lisboa ás 10:15 (11:15 hora galega) do luns 27 de outubro.
