Lucas Noubi estivo concentrado coa selección belga sub-21 para dous partidos clasificatorios para o Campionato de Europa da categoría previstos nesta xanela de seleccións.
No segundo deles, este martes 14 de outubro, Bélxica venceu por 2-0 a Dinamarca en Westerlo.
O central deportivista non tivo minutos.
No primeiro dos dous encontros, o pasado venres 10 de outubro no Estadio Rodney Parade en Newport, golearon os belgas por 0-7 a Gales.
O futbolista do Dépor tamén seguiu o xogo desde o banco e non chegou a saltar ao céspede.
Con estes resultados, Bélxica suma 7 puntos e sitúase á fronte do grupo I.
Lucas Noubi ten previsto chegar á Coruña de regreso este mércores ao mediodía e incorporarse o xoves aos adestramentos co Dépor.
Os resultados de Lucas Noubi con Bélxica sub-21 foron os seguintes:
Venres 10 de outubro
GALES 0 - BÉLXICA 7
Martes 14 de outubro
BELGICA 2 - DINAMARCA 0
