Manuel Pablo advertiu do UP Langreo, rival este sábado 11 de outubro ás 16:15 (YouTube RC Deportivo) no campo Arsenio Iglesias, que "ten xogadores con experiencia, que xogaron mesmo en Primera División. É verdade que non arrincaron ben. Ten o mesmo adestrador que o ano pasado. Aquí ninguén che regala nada; e non nos podemos despistar, nin crernos que vai ser fácil".
Insiste o técnico fabrilista en "seguir coa nosa idea, de seguir sendo competitivos, de ir a por o partido e non pornos nin nerviosos nin intranquilos".
Finalmente apunta Manuel Pablo que a pesar da xeira de 5 partidos consecutivos gañando, "temos vídeo moitas semanas para corrixir cousas que non se fixeron ben a pesar da vitoria. Esixímoslles moito no adestramento. Estamos moi encima dos xogadores todo o día. É a maneira que nós cremos para que non se despisten. Coas vitorias estamos sempre un pouco máis relaxados e máis distendidos pero nós tentamos que sexa unha semana máis e que nos centremos no partido do sábado".
