Manuel Pablo afirmou no Dépor Training Center que "o punto de inflexión para ANOSACANTEIRA foi ese campionato do Xuvenil A (temporada 2020-21). A partir de aí subiuse o nivel, crémonos que podemos competir até aí. E iso é o que estamos a facer: ser moi competitivos, tentando ser moi competitivos en todas as categorías, estar entre os mellores, tentar darlle aos xogadores as mellores ferramentas e esixirlles que teñan capacidade para ir superando etapas".
Da Gimnástica Segoviana CF, rival este sábado 14 de marzo ás 19:00 en La Albuera, afirma que "está feito para subir. Compite moi ben, ten moi bos xogadores, moito ritmo e vainos a esixir moito".
Insiste en "estar moi conectados co partido, non cometer erros e estar sempre metidos no partido porque son moi competitivos".
O técnico fabrilista advirte que "non só a nós, a todos os equipos cústalles gañar. Fóra de casa está a custarlles gañar a eles, ao Oviedo Vetusta, a nós. Quedan moitos partidos difíciles aínda pero este, coa entidade do rival, pode ser máis competido que outros, ou que teñas menos balón que outros".
Finalmente Manuel Pablo asegura que "imos tentar ser o que sempre somos, protagonistas; tentar ter o control nós pero teñen capacidade para que non teñamos tanto o control como noutros partidos".
