Manuel Pablo manifestou este venres na sala de presa do Dépor Training Center que o Fabril nestas xornadas sen gañar na liga acusou "a urxencia do resultado. Ante a UD Ourense e Oviedo Vetusta tivemos moitas présas. Iso fixo que perdésemos moitos balóns e que nos transitasen moitas veces".
Con todo, advertiu que ante o Bergantiños CF no campo Arsenio Iglesias o pasado domingo "estivemos máis tranquilos, dominamos máis e o Bergantiños CF xa non nos saíu ningunha vez. Fáltanos ese tramo preto da área para ser máis daniño pero fomos máis dominadores e máis nós".
Do rival deste sábado 15 de novembro ás 17:00 no campo de Vallegón, a UD Sámano, o técnico fabrilista alerta que "ten xente corpulenta. Poida que teñan algunha baixa importante pero é unha arma que eles usan; sobre todo con centros e chegadas á área con balóns aéreos. Teremos que tentar evitar faltas próximas que non son necesarias, tapar centros..."
Manuel Pablo lembra que "gañaron os seus dous últimos partidos en casa, dos últimos 5 partidos puntuou en 4"; e conclúe que "no seu campo é un equipo difícil".
Por conseguinte, apunta que "temos que ir ser nós, a tentar xogar e que cando cheguemos á zona de finalización fagámolo con máis intención".
