PRIMEIRO ADESTRAMENTO DE GRAGERA CO DEPORTIVO

José Gragera adestrouse esta mañá por primeira vez co Deportivo na sesión diaria en The Lensbury, cuartel xeral branquiazul en Londres.O novo centrocampista branquiazul exercitouse con normalidade confirmado onte mércores a súa incorporación ao Club.

Antonio Hidalgo dispuxo unha activación para todo o equipo coordinada polos preparadores físicos Roberto Cabellud e Sergio Roca.A continuación, os que xogaron menos minutos onte ante o Watford completaron a sesión cun xogo de posición e cunha tarefa de finalizacións.Este venres 1 de agosto Os Nosos adestraranse no horario habitual, 10:30, en The Lensbury e pola tarde desprazaranse a Middlesbrough para o segundo e último amigable en Inglaterra, este sábado 2 de agosto ás 16:00 (hora galega, 15:00 hora local, ) no Riverside Stadium.