UN FABRIL "INTENTANDO SER ESIXENTE" PECHA A TEMPORADA ESTE DOMINGO 3 DE MAIO ÁS 12:00 COA VISITA A UN REAL ÁVILA CF QUE SE XOGA O PLAY OFF DE ASCENSO

El Fabril pon o punto e final a unha temporada histórica este domingo 3 de maio ás 12:00 no Estadio Adolfo Suárez ante o Real Ávila CF.O filial, campión de liga e ascendido a Primera RFEF hai varias xornadas, chega a este último choque con 69 puntos.Manuel Pablo admite que o equipo non ten "a presión de conseguir resultados pero intentando ser esixentes".Son baixa os lesionados Damián Canedo, Manu Ferreiro, Jaime Garrido, Hugo Ríos, Aarón, Quique Teijo e Pablo Cortés.Ademais, Noe e Bil están en dinámica do primeiro equipo.Precisamente sobre o mediapunta santiagués, autor do gol do triunfo do Dépor ante o CD Leganés este venres 1 de maio, o técnico fabrilista cre que "medrou moito nos últimos anos. Estou enfadado con el porque con nós non chuta desde fóra da área. E mira que lle esiximos moito pero el, con esas conducións, vese superior e quere chegar case ata o porteiro".Incide en que "leva anos progresando e é importante que se sinta participativo. É unha alegría para ANOSACANTEIRA, para o primeiro equipo, para todos".Pola súa banda, o Real Ávila CF, que a pasada fin de semana foi goleado (4-1) polo Rayo Cantabria, loita polos postos de play off: ten 50 puntos na 6ª posición, os mesmos que o CD Numancia de Soria, 5º.Na primeira volta disputada no campo Arsenio Iglesias o pasado 21 de decembro gañou o Fabril (2-1), con goles de Dipanda e Domínguez.No Estadio Adolfo Suárez esta tempada o Real Ávila CF gañou ao Bergantiños CF (2-1), CD Lealtad de Villaviciosa (1-0), UD Sámano (3-2), Burgos CF Promesas (3-2), Coruxo FC (2-1), Marino de Luanco (2-1) e Gimnástica Segoviana CF (2-1); empatou co Oviedo Vetusta (1-1), CD Numancia de Soria (0-0), Real Valladolid Promesas (2-2), Rayo Cantabria (3-3) e SD Sarriana (0-0); e caeu co UD Ourense (0-2), Atlético Astorga FC (2-4), Salamanca CF UDS (1-2) e UP Langreo (1-2).O conxunto abulense dedicou o encontro á súa canteira e os futbolistas fixeron un chamamento á súa afección nas redes sociais do club para que acuda ao encontro porque "cando a bancada aperta, somos moito máis fortes".