O Departamento de Seguridade do RC Deportivo, en coordinación coas Forzas e Corpos de Seguridade do Estado e coa colaboración de Protección Civil, levou a cabo con éxito un simulacro de seguridade no Estadio ABANCA-RIAZOR.
Este exercicio tivo como obxectivo comprobar a eficacia dos protocolos de actuación, a coordinación entre os distintos servizos implicados e a capacidade de resposta ante posibles situacións de emerxencia durante partidos con gran afluencia de público.
O simulacro permitiu avaliar os procedementos de evacuación, comunicación e asistencia, reforzando así o compromiso do RC Deportivo coa seguridade dos seus afeccionados, traballadores e participantes nos eventos que se celebran no estadio.
Desde o Club valórase moi positivamente o desenvolvemento desta actividade, que forma parte do plan continuo de mellora en materia de prevención e seguridade.
