O Dépor regresou este luns pola mañá ao campo 3 do Dépor Training Center e "afrontar cada partido como unha final, como vimos facendo", segundo subliñou Germán Parreño na zona mixta de El Sardinero.
O meta branquiazul insiste na importancia de "competir, de estar sempre dentro dos partidos, e seguir traballando. Non nos queda outra".
Nesta liña, o equipo saltou ao céspede nunha chuviosa mañá dividido en 2 grupos.
Os titulares onte ante o Real Racing Club tiveron xornada de recuperación, cunha activación, ximnasio e fisioterapia.
Para o resto, Antonio Hidalgo dispuxo unha roda de pases, un exercicio de posición e fútbol reducido, de alta intensidade.
Ximo Navarro e Daniel Bachmann están con traballo personalizado; mentres que Escudero está pendente de coñecer o alcance exacto das molestias que sufriu nun isquio no tramo final do choque ante o Real Racing Club.
Hugo Ríos, Samu, Pablo García, Mario Hermo e Domínguez foron os representantes de #ANOSACANTEIRA.
Este martes hai xornada de descanso. Os Nosos comezarán o mércores 22 de outubro a partir das 10:30 no Dépor Training Center a preparar a seguinte cita ligueira, o domingo 26 de outubro ás 21:00 (LaLiga TV Hypermotion e Fútbol 2, dispoñible tamén en DIGI TV e outras plataformas) en ABANCA-RIAZOR ante o Real Valladolid.
"Sentimos moi arroupados, un xogador máis. Estamos con ganas que chegue ese partido, de preparalo desde xa, e seguir traballando e competindo ao máximo", subliñou Germán.