O corpo técnico, após unha activación con fut-voley, incidiu este venres nas finalizacións no campo 3 do Dépor Training Center.
"Somos o equipo da liga que máis remata a balón parado. Iso quere dicir que o traballo está. Temos que sacar máis rendemento. En Santander non foi o noso mellor día en ocupación de espazos e de zonas onde podemos facer dano. Imos ao milímetro con estas situacións. Temos que seguir insistindo", anunciou Antonio Hidalgo en rolda de prensa esta mesma mañá.
A asollada mañá arrincou na sala de vídeo e concluíu no céspede cun partido no campo 2.
Ximo Navarro, Daniel Bachmann e Sergio Escudero están con adestramento personalizado.
"Van estar para longo. E os demais están ben", subliñou en rolda de prensa Antonio Hidalgo.
De Escudero precisou que "vai estar tempo fóra, máis dun mes seguro"; mentres que de Ximo Navarro admitiu que con el "nos atopabamos máis cómodos. A miña misión é buscar ese punto de equilibrio que faga que teñamos solidez".
Samu, Pablo García e Fabi foron os representantes de ANOSACANTEIRA. Respecto diso, o técnico branquiazul lembrou que "está a facer unha gran temporada. Estamos a subir e coñecendo aos mozos que nos poden axudar en calquera momento".
Este sábado, Os Nosos realizarán no Dépor Training Center a última sesión previa ao encontro ante o Real Valladolid deste domingo 26 de outubro ás 21:00 (LaLiga TV Hypermotion e Fútbol 2, dispoñible tamén en DIGI TV e outras plataformas) en ABANCA-RIAZOR.