José Gragera Amado (Xixón, 14 de maio de 2000) incorporouse ao RC Deportivo como novo reforzo para a tempada 2025-26. O centrocampista chega cedido polo RCD Espanyol e disputou a pasada tempada 19 partidos en Primeira División, nos que anotou un gol. A pesar da súa mocidade, acumula unha notable experiencia en LaLiga Hypermotion, con 121 encontros entre o RCD Espanyol e o Real Sporting de Gijón, o seu club de formación. A nivel internacional, foi convocado por España nas categorías sub-19 e sub-21, coa que disputou 5 partidos e marcou 1 gol.