David Mella Boullón (Santiago de Compostela, 23 de maio de 2005) chegou á canteira do RC Deportivo en alevín na tempada 2016-17. Aínda en idade cadete, proclamouse campión de España co Juvenil A (2020-21). A campaña seguinte (2021-22), sendo xuvenil de primeiro ano, foi un dos xogadores máis destacados na histórica participación do Dépor na UEFA Youth League. Ademais, conseguiu o ascenso a Segunda Federación con El Fabril na tempada 2022-23. En maio de 2023 debutou en partido oficial en ABANCA-RIAZOR fronte ao Algeciras CF. David Mella é internacional coa selección española nas categorías Sub-15, Sub-16, Sub-17, Sub-18, Sub-19 e Sub-20. Ao fin da tempada 24/25 suma 77 partidos co RC Deportivo.