RCDeportivo Logo
https://www.instagram.com/rcdeportivo/https://www.tiktok.com/@rcdeportivohttps://x.com/RCDeportivohttps://www.facebook.com/RCDeportivo/https://www.youtube.com/@rcdeportivo
David Mella mídese en Tirana a Albania coa selección española sub-21

DÉPOR · 16 NOVEMBRO 2026

DAVID MELLA MÍDESE EN TIRANA A ALBANIA COA SELECCIÓN ESPAÑOLA SUB-21

David Mella está concentrado por primeira vez coa selección española sub-21 para disputar dous amigables ante Xapón e Albania, preparatorios para o próximo Campionato de Europa da categoría que se celebrará en 2027 en Serbia e Albania.O xogador do Dépor atópase en Tirana, escenario do choque ante Albania este martes 17 de novembro ás 19:00 horas no Estadio Arena Kombëtare, retransmitido en directo por Teledeporte e RTVE Play.Finalizado o encontro, Mella aterra no Aeroporto de A Coruña a primeira hora da tarde do mércores 18 de novembro, para incorporarse o xoves 19 aos adestramentos no Dépor Training Center.O primeiro dos partidos para o canteirán deportivista xogouse este venres 13 de novembro ante Xapón no Estadio Francisco de la Hera de Almendralejo.O futbolista santiagués debutou neste combinado nacional ao saltar ao céspede no minuto 61 en substitución de Álex Valle.E tivo que traballar arreo porque España se impuxo por 2-0 pero o segundo tanto non chegaría ata os instantes finais.Nestes primeiros días de concentración, David Mella puido mesmo adestrarse coa selección española absoluta ás ordes de Luis de la Fuente.O calendario de partidos do futbolista do Dépor, cos resultados dos xa xogados, é o seguinte:Venres 13 de novembroESPAÑA 2 - XAPÓN 0Martes 17 de novembro19:00: ALBANIA - ESPAÑA, no Estadio Arena Kombëtare de TiranaAta a data, David Mella, na súa primeira temporada en LaLiga EA Sports, suma 6 partidos xogados, 4 deles como titular.