Lucas Dominique Noubi Ngnokam (Mouscron, Bélxica, 15 de xaneiro de 2005), coñecido nos círculos futbolísticos como Lucas Noubi, converteuse na primeira fichaxe dos Brancos e Azuis da tempada 2025–26. Belga e camerunés de nacionalidade, formouse nas categorías inferiores do Standard Liège, debutando no primeiro equipo aos 17 anos e adquirindo experiencia tanto na Jupiler Pro League (Primeira División) con 31 partidos xogados como na Challenger Pro League (Segunda División) con 22; así como en competicións internacionais cos equipos nacionais xuvenís de Bélxica, dende os sub-15 ata os sub-21. Con 1,86 metros de altura, destaca pola súa impoñente presenza física, boa distribución e capacidade para anticipar o xogo en defensa.