ESCUDERO, CRISTIAN HERRERA, 'STOICHKOV', MULATTIERI E GRAGERA NON CONTINUARÁN NO DEPORTIVO A PRÓXIMA TEMPORADA

Sergio Escudero, Cristian Herrera, Juan Diego Molina 'Stoichkov', Samuele Mulattieri e Jose Gragera non continuarán no Deportivo a próxima temporada.A súa etapa no Dépor quedará para sempre unida a unha campaña inesquecible, unha temporada que devolveu o Club ao lugar que merece e que culminou co regreso á máxima categoría do fútbol profesional español.Cada un deles achegou o seu traballo, o seu esforzo diario, o seu compromiso e a súa profesionalidade para axudar o equipo a acadar un obxectivo que fixo feliz a todo o deportivismo.Máis alá dos minutos disputados, dos goles, das asistencias ou das actuacións sobre o céspede, formaron parte dun vestiario que soubo crer, competir e superar cada desafío ata alcanzar a meta soñada.Os 5 futbolistas pechan unha etapa, pero o recordo da súa contribución permanecerá sempre ligado a unha das páxinas máis felices da historia recente do Club.O RC Deportivo lles desexa a maior das sortes nos seus futuros retos profesionais e persoais.