ALBERTO RODRÍGUEZ CRE QUE O DÉPOR ABANCA FIXO EN TENERIFE «UN TRABALLO MOI, MOI BO, DE MOITOS ESFORZOS REPETIDOS DURANTE BASTANTES MINUTOS»

Alberto Rodríguez cre que o Dépor ABANCA, no Heliodoro Rodríguez López, "fixo un traballo moi, moi bo, con moitos esforzos repetidos durante bastantes minutos. E aínda por riba con ese desconto longo".Preguntado polo efecto en As Nosas da alta temperatura á hora do encontro, opina que "coas pausas de hidratación vaise neutralizando, pero é certo que no último treito do partido, tamén coa xente de aquí, apertan, empurran. Aí as emocións son moito máis difíciles de xestionar, o osíxeno tarda máis en chegar".Ademais, ao quedar o Dépor ABANCA con 10 futbolistas pola expulsión de Castyñeiras, "o UD Costa Adeje Tenerife métete atrás, sabes que vai ser moi difícil saír. As súas centrais recollían o segundo balón e volvíannos atacar. Na superioridade que nos trataba de facer Koko sufrimos na liña de fondo, pero nos centros laterais o equipo defendeu ben, conseguimos despexar ben e, sobre todo, que eses despexes non tivesen continuidade con dobres e triplos ataques. Á hora de defender, cortar ese ritmo de ataque do UD Costa Adeje Tenerife foi unha das claves para levar este valioso punto".

Finalmente, Alberto Rodríguez pide agora «limpar a mente, celebrar un pouquiño de aquí á Coruña e, a partir do martes, preparar o partido ante o Real Madrid CF».