NOTABLE INICIO DO MUNDIAL SUB-20 DE MARISA GARCÍA E AINOA GÓMEZ, TITULARES NO TRIUNFO DE ESPAÑA ANTE NIXERIA

Foto: RFEF.esMarisa García (dorsal 9) e Ainoa Gómez (dorsal 14) comezaron este luns 7 de setembro no once titular da selección española o Campionato do Mundo sub-20.España ten como rivais na Primeira Fase do Mundial a Nixeria, Nova Caledonia e a República Popular China.Ante o combinado nixeriano disputou o primeiro encontro do torneo, que se saldou cun triunfo por 2-0.Marisa foi a autora do primeiro gol de España neste Mundial, aos 13 minutos, ao enviar á rede un gran centro de Bejarano.As dúas futbolistas branquiazuis foron substituídas no minuto 66 por Alba Cerrato e Celia Segura.No outro partido do grupo, a República Popular China goleou por 5-0 a Nova Caledonia.A seguinte cita da selección española no torneo será o xoves 10 ás 15:00, precisamente ante Nova Caledonia.O calendario de partidos do combinado nacional no Mundial, cos resultados dos xa disputados, é o seguinte:Luns 7 de setembroESPAÑA 2 - NIXERIA 0Xoves 10 de setembro15:00: ESPAÑA - NOVA CALEDONIA, no Arena Sosnowiec de SosnowiecDomingo 13 de setembro15:00: REPÚBLICA POPULAR CHINA - ESPAÑA, no Arena Sosnowiec de SosnowiecOs dous primeiros e os 4 mellores terceiros pasan aos dezaseisavos de final.