O PARTIDO DO DÉPOR ANTE A CULTURAL LEONESA, DECLARADO "DÍA DÉ..." A INFANCIA

O partido do Dépor en ABANCA-RIAZOR deste sábado 8 de novembro ás 18:30 ante a Cultural Leonesa foi declarado polo RC Deportivo como "O Día DÉ..." A Infancia.Por medio desta proposta, destinaranse prazas do Palco de Honra do Estadio a representantes de asociacións que traballan polo benestar dos mais novos e novas como Dignidad Galicia, ACOUGO (Asociación Galega de Familias de Acollida) e Acción Familiar Ferrol.En cada encontro en ABANCA-RIAZOR esta temporada, máis da metade das localidades do Palco de Honra serán destinadas a un colectivo da cidadanía ou a un sector de #ANOSAFORZA, para facer a entidade máis próxima, dar protagonismo á masa social deportivista e agradecer o seu excepcional apoio unha temporada máis.