OS NOSOS DISPUTAN ESTE MÉRCORES 29 DE XULLO ANTE O CD LUGO O TROFEO CONCELLO DE VILALBA, O SEU TERCEIRO AMIGABLE DE PRETEMPORADA

O CD Lugo de Primera Federación será o rival do Dépor no seu terceiro amigable de pretemporada, previsto para este mércores 29 de xullo ás 19:30 horas no campo da Magdalena de Vilalba, retransmitido en directo por a canle oficial do RC Deportivo en YouTube. En xogo estará o Trofeo Concello de Vilalba.Os Nosos veñen dun empate o pasado sábado en Oviedo: "Fixemos unha boa primeira parte. Temos que mellorar. Aínda é pretemporada", afirmou Aubameyang na súa rolda de prensa de presentación.Están dispoñibles as entradas para o amigable con estes prezos:Maiores de 16 anos: 18 eurosMenores de 16 anos: 10 eurosMenores de 4 anos: entrada baby gratuítaAs persoas interesadas xa as poden mercar premendo nesta ligazón.

Antonio Hidalgo dirixiu esta mañá unha última sesión de adestramento no Dépor Training Center antes deste novo test de pretemporada.O corpo técnico programou, despois dunha activación, un repaso ás accións a balón parado, un exercicio táctico, un partido e fútbol reducido para concluír.Mella e Loureiro continúan coa súa adaptación progresiva aos adestramentos co grupo mentres que seguen con traballo personalizado Yeremay, Altimira, Bright Ede, Bouldini e Noé.Bil, Samu, Kevin, Guerrero, Xabi Campos e Quique Teijo foron os representantes de ANOSACANTEIRA.

Aubameyang afirmou que "o que vin gustoume moito. Son moi novos. Bil ten moita forza. Véxome ben cun rapaz así diante porque me pode axudar nalgunhas cousas que eu non podo facer".Acordouse de Zakaria Eddahchouri, "que na área é un killer"; "en Jonathan (Asp Jensen) moi novo, que vén do Bayern. Tamén é moi bo".Recalca o dianteiro deportivista que "imos aprender a xogar xuntos co tempo pero hai moitas cousas boas por facer cos rapaces. E aínda non xoguei con Mella e Yeremay pero teño ganas de velos".Pola súa banda, o CD Lugo que dirixe o ex deportivista Borja Fernández disputou o seu primeiro encontro de pretemporada o pasado sábado 25 de xullo en Pol ante o Celta Fortuna, que rematou con táboas no marcador (1-1).Rematado o encontro, Os Nosos adestraranse de novo o xoves 30 de xullo a partir das 10:30 no Dépor Training Center.